Хто вінаваты? У Гродне сабачнік збіў мужчыну, які абараняў ад сабакі сваё дзіця
Як паведаміла 28 мая УУС Гродзенскага аблвыканкама, мужчына вечарам ішоў разам з сынам дамоў, калі да дзіцяці падбегла жывёла без намордніка і спужала яго.
Бацька, як у такіх выпадках і належыць, зрабіў гаспадару сабакі заўвагу, на што той адрэагаваў неадэкватна.
Паводле інфармацыі начальніка аддзела аховы правапарадку і прафілактыкі УУС Дзмітрыя Козела, паміж бакамі завязаўся канфлікт, падчас якога дайшло да рукапрыкладства. Гаспадар сабакі аказаўся больш удалым у кулачным баі.
Пасля першага хука апанент прысеў на калені і надалей толькі абараняўся, прыкрыўшы галаву рукамі.
Пазбегнуць траўм удалося цаной зламанага пальца. Паводле заключэння судмедэксперта, у пацярпелага менш цяжкія цялесныя пашкоджанні.
Распачата крымінальная справа. У дачыненні да падазронага складзены адміністрацыйны пратакол за выгул сабакі без намордніка.
Што да цялесных пашкоджанняў, то, паводле версіі агрэсара, пацярпелы сам зламаў сабе палец, даючы здачы ў ходзе бойкі.
Каментары