Беларусь мае намер прад’явіць пазоў расейскаму прадпрыемству «Захад ‑Транснафтапрадукт» — уладальніку нафтатрубаправода «Унеча — Роўна», на ўчастку якога ў Рэчыцкім раёне 14 лютага адбылася аварыя
Ён адзначыў, што сума шкоды будзе вызначана толькі пасьля поўнай ліквідацыі наступстваў аварыі. Гэтым займаюцца спэцыялісты Мінпрыроды, якія вывучаюць, наколькі забруджана глеба, вада і паветра на месцы здарэньня. Пасьля абагульненьня дадзеных маніторынгу, у адпаведнасьці з законам расейскаму прадпрыемству будзе прад’яўлены пазоў. На месцы аварыі знаходзіцца таксама прадстаўнік «Захад‑Транснафтапрадукту», які прымае ўдзел у маніторынгу навакольнага асяродзьдзя.
Паводле слоў Аляксандра Апацкага, першапачатковыя дасьледаваньні паказалі, што больш за ўсё ад уцечкі нафтапрадуктаў на месцы аварыі пацярпеў пойменны вадаём. Дзякуючы апэратыўнаму ўзьвядзеньню пясчаных дамбаў удалося прадухіліць забруджваньне Дняпра.
Нагадаем, што ўчора на 422‑м кілямэтры магістралі (Рэчыцкі раён Гомельскай вобласьці), на глыбіні мэтра, адбыўся прарыў. У выніку аварыі аб’ём выцеку дызпаліва склаў каля 70 куб.м на плошчы 100 кв.м.
Гэта ўжо трэцяя за апошні год аварыя на трубапровадах кампаніі «Захадтранснафтапрадукт». Першая адбылася 23 сакавіка 2007 году на нафтаправодзе «Унеча‑Венстпілс» у Бешанковіцкім раёне Віцебскай вобласьці. Адбыўся выцек каля 120 тонаў дызпаліва. Яно патрапіла ў раку Улу — прыток Дзьвіны, а адтуль у Дзьвіну. Мазута дасягнула тэрыторыі Латвіі, якая пазьней выказала ў адрас Беларусі фінансавыя прэтэнзіі.
Другая аварыя здарылася 5 траўня таго ж году таксама ў Бешанковіцкім раёне каля вёскі Бабаедава. Аб’ём выцеку склаў каля 5 тонаў мазуту.
У якасьці кампэнсацыі за нанесеную шкоду Беларусь атрымала ад «ЗахадТранснафтапрадукту» $7 млн.
Цяпер чытаюць
Сталініста-ябацьку з Гомеля затрымалі пасля таго, як ён запрасіў Лукашэнку на гвалтоўнае закрыццё свайго трэцяга кафэ17
Каментары