На надомную занятасць прыпадае 1,4% усіх занятых у краіне работнікаў. Пры гэтым 75% тых, хто працуе дома, — жанчыны.
Такія даныя прыводзіць Белстат па выніках мінулага года. Атрымліваецца, што калі ў 2025 годзе ў Беларусі налічвалася 4 млн 163,3 тыс. занятых, то дома працавалі прыкладна 58,3 тыс. чалавек.
Як правіла, дома працуюць педагагічныя работнікі, бухгалтары, спецыялісты ў галіне рэкламы, перакладчыкі, псіхолагі, мастакі, цырульнікі, пекары, швачкі. Іх сярэдні ўзрост складае 40 гадоў. Пры гэтым 41% такіх работнікаў маюць вышэйшую адукацыю.
Яшчэ 0,8% (ці 33,3 тыс. чалавек) усіх работнікаў у краіне маюць дыстанцыйную форму занятасці. У гэтую катэгорыю ўваходзяць IT-сфера, прафесійная і навуковая дзейнасць, гандаль і адукацыя. Дарэчы, у гэтай форме занятасці кожны другі — мужчына.
Нарэшце, 0,5% усіх работнікаў (ці 20,8 тыс. чалавек) адносяцца да платформеннай занятасці. Гаворка ідзе пра службы таксі, продаж тавараў, IT-сферу, адукацыю, юрыдычныя і турыстычныя паслугі, дастаўку і бытавыя паслугі. Большасць тых, хто працуе з дапамогай лічбавых платформаў, — мужчыны (63%).
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары