Хто знае — мо праз некалькі год забароняць і па ўсіх Злучаных Штатах.
Востраў Ааху апошнім з гавайскіх астравоў забараніў пластыкавыя пакеты. Такім чынам Гаваі сталі першым штатам ЗША, у якім пад поўную забарону трапілі пакеты, зробленыя з неэкалагічных матэрыялаў, паведамляе Mashable. Забарона набудзе сілу ў наступную сераду.
На Гаваях прадаўцы не змогуць даваць пакупнікам поліэтыленавыя пакеты — толькі аднаразовыя пакеты з экалагічных матэрыялаў (такія, што хутка раскладуцца ў глебе) альбо шматразовыя торбы.
Парушальнікі атрымаюць штраф у памеры 100-1000 даляраў за дзень працы з парушэннямі.
Закон на Ааху мае шэраг выключэнняў: у пластыкавыя пакеты дазволена пакаваць садавіну і гародніну, арэхі, мяса, фрукты, кветкі і некаторыя іншыя тавары, рэстарацыі змогуць пакаваць у поліэтылен ежу навынас.
Падобную забарону разглядае штат Каліфорнія — пластыкавыя пакеты ўжо забароненыя ў Сан-Францыска. Як паказала практыка з прызнаннем аднаполых шлюбаў, «парад законаў» штатаў можа прывесці да прыняцця законаў на федэральным узроўні.
Пластыкавыя пакеты ўжо забароненыя ў розных формах у некаторых краінах свету: Кітаі, Індыі, Італіі, Паўднёвай Афрыцы… Іншыя краіны ўводзяць падаткі на іх. Еўрасаюз прыняў у 2014 годзе дырэктыву па змяншэнні выкарыстання пластыкавых пакетаў на 80% да 2019 года.
Звычайныя поліэтыленавыя пакеты заўважна забруджваюць навакольнае асяроддзе, у прыродзе яны раскладаюцца недапушчальна доўга. Пакеты не толькі падвышаюць засмечанасць і забіваюць вадасцёкі — ад іх гіне мноства жывёл. Напрыклад, ад паядання пакетаў у Індыі гіне 20 кароў штодзень, у сусветным акіяне — 100 тысяч кітоў, цюленяў і чарапах штогод. Нафты, патрэбнай на адзін пакет, звычайнаму аўтамабілю хопіць на 11 метраў дарогі.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»12
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары