У расійскага незалежнага тэлеканала «Дождь» каля 70 тысяч падпісчыкаў, расказаў рэдактар канала Міхаіл Зыгар. Кожны з іх плаціць каля 4800 расійскіх рублёў ($80) за год.
У Беларусі часта можна пачуць фанабэрыстыя ці паблажлівыя выказванні адносна Расіі. Маўляў, мы тут еўрапейцы, а яны там…
Аднак ці знойдзецца ў Беларусі 5 тысяч чалавек, здольных плаціць 80 даляраў у год за доступ да незалежнага СМІ? Ці знойдзецца ў нас 5 тысяч чалавек, якія зарабляюць досыць і ахвяруюць штогод па 100—200—1000—10000 даляраў на грамадскія патрэбы? На незалежныя СМІ, «непажаданых» музыкаў, на штрафы несправядліва асуджаным, на добраахвотнікаў? На тых і тое, што без такіх ахвяраванняў не ўтрымаецца.
Баюся, не.
Між тым, з гэтага ўсё бярэцца. З гэтага бралася ў падаўстрыйскай Галіччыне, падрасійскай Эстоніі, паднямецкай Чэхіі, падангельскай Амерыцы і дзе-кольвек людзі дабіваліся правоў і свабод.
А падпісчыкі «Дождя» — малайцы.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі24
Каментары