У Бранскай вобласці зараўнавалі ў зямлю 200 тон завезенай праз Беларусь садавіны ФОТА
Рассельгаснагляд зрабіў справаздачу пра тое, што ў Навазыбкаўскім раёне Бранскай вобласці 7 жніўня ўтылізавана найбуйнейшая партыя расліннай прадукцыі. Аб'ём знішчанай садавіны склаў каля 200 тон.
Персікі, нектарыны, вінаград і чарэшні, як мяркуецца, былі паходжаннем з паўднёвых дзяржаў — членаў Еўрапейскага саюза.
Паводле інфармацыі Рассельгаснагляду, садавіну спрабавалі правезці ў РФ з Беларусі на падставе рээкспартных фітасанітарных сертыфікатаў Малдовы і фітасанітарнага сертыфікату Турцыі.
Улады Турцыі не пацвердзілі фітасанітарныя сертыфікаты, якія суправаджалі прадукцыю — і бульдозеры зараўнавалі ў зямлю 200 тон садавіны.
Адбылося гэта на звалцы за вёскай Замішава пад Навазыбкавам.
Жыхары вёскі расказваюць, што на палігоне ў дзень знішчэння персікаў было шматлюдна. Садавіну адтуль вывозілі каробкамі.
На пункце пропуску «Чырвоны камень» былі заўважаны тры поўныя фуры. У кожнай — па 20 тон чарэшань. Побач пакутуюць ад 35-градуснай гарачыні вадзіцелі. Яны стаяць тут ужо чацвёрты-пяты дзень.
Санкцыйныя персікі і чарэшні дальнабойшчыкі параілі, калі іх пачуюць, аддаць у дзіцячыя дамы або дамы састарэлых, або салдатам.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары