Пацверджана смерць 112 чалавек, 95 лічацца зніклымі без вестак. Прычым 85 са зніклых — гэта пажарныя, піша агенцтва Ройтэрз.
Ратавальнікі загінулі, калі адбыліся паўторныя выбухі і ўзгаранні.
Некаторыя СМІ сцвярджаюць, што прычынай паўторных выбухаў стала гашэнне пажару вадой, якая ўступіла ў выбуховыя хімічныя рэакцыі з таксічнымі рэчывамі, што захоўваліся на партовым складзе.
Дакладная прычына выбухаў і назвы рэчываў, што ўзарваліся, кітайскія камуністычныя ўлады яшчэ не паведамілі.
Больш за 700 чалавек былі паранены, каля 6000 прыйшлося эвакуяваць: дым з порту застаецца таксічны.
Выбух быў адным з наймацнейшых неатамных узрываў у гісторыі чалавецтва. Яго зафіксавалі нават амерыканскія сейсмолагі.
Прамысловыя катастрофы — не рэдкасць у Кітаі, дзе стандартамі бяспекі часта ахвяравалі дзеля росту аб'ёмаў вытворчасці.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары