Прылада «Вочы» дапаможа пашырыць веды грамадзян Беларусі пра выбарчы працэс, у даступнай форме распавесці пра выбарчыя правы і дасць выбаршчыкам магчымасць аператыўна паведаміць пра парушэнні на выбарах незалежным назіральнікам.
Інфармацыя аб парушэннях, дасланая карыстальнікамі прылады, будзе адлюстравана на анлайн-карце ElectBy.org і можа быць выкарыстана місіямі па назіранні для ацэнкі таго, наколькі сумленнымі, свабоднымі і справядлівымі былі выбары прэзідэнта.
«Вочы» не проста інфармуюць выбаршчыкаў пра выбары, але і даюць магчымасць раскрыць парушэнні, якія можна ўбачыць на выбарчых участках, ананімна паведамляючы інфармацыю назіральнікам. Прылада дазваляе перадаць не толькі тэкставае апісанне, але і фота/відэа ці аўдыёматэрыялы, а таксама аператыўна падзяліцца гэтай інфармацыяй у сацсетках.
Акрамя таго, «Вочы» практычна не збіраюць інфармацыю аб карыстальніках, акрамя iх месцазнаходжання падчас інфармавання аб парушэнні і тэхнічных характарыстыках іх тэлефона. Нават калі карыстальнік добраахвотна дае сваю кантактную інфармацыю назіральнікам для зваротнай сувязі, гэта інфармацыя не раскрываецца і не перадаецца трэцім асобам.
Цяпер даступная версія толькі на Андроід. У хуткім часе будзе зроблена беларускамоўная версія. Прыладу можна спампаваць тут.
Трэба адзначыць, што праграма сапраўды зручная. Можна паглядзець часта задаваныя пытанні, можна разабрацца, што з’яўляецца парушэннем. Таксама можна зарэгістравацца назіральнікам.
Рэгістрацыя парушэння робіцца настолькі хутка, што вас не паспеюць заўважыць. Вы пазначаеце раён і выбарчы ўчастак, пазначаеце пункт парушэння, можаце дадаць апісанне, фота і відэа. Пасля пакідаеце кантактныя дадзеныя (гэта неабавязкова) і вуаля — вашае паведамленне аб парушэнні зафіксавана.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары