Улады Брэста эканомяць на чым могуць: пад прыцэлам басейны ў дзіцячых садках
У Брэсце разглядаюць пытанне аб прыпыненні працы басейнаў у дашкольных установах з мэтай эканоміі бюджэтных сродкаў.
«На сённяшні дзень усе 11 басейнаў у дашкольных установах адукацыі горада працуюць. Але прыняцце рашэння пра часовае іх зачыненне не выключана, калі гэта будзе эканамічна мэтазгодна», — паведаміў начальнік аддзела адукацыі, спорту і турызму Брэсцкага гарвыканкама Анатоль Наскоў.
Пры гэтым ён падкрэсліў, што гаворка аб прыпыненні працы школьных басейнаў не ідзе.
Як раней паведамлялася, з 17 лістапада па рашэнні гарвыканкама «ў мэтах аптымізацыі расходавання энергетычных рэсурсаў і эканоміі бюджэтных сродкаў» у Брэсце пачалі выключаць усё вулічнае асвятленне з 0.00 да 5.00.
18 лістапада на афіцыйным сайце гарвыканкама была размешчаная інфармацыя, што адключаць вулічнае асвятленне будуць з 1.00 да 5.00 у будныя дні. У ноч з пятніцы на суботу і з суботы на нядзелю асвятленне будзе ажыццяўляцца ў звычайным рэжыме.
Брэсцкія сацыял-дэмакраты накіравалі скаргі ва УУС Брэсцкага аблвыканкама і пракуратуру горада з нагоды адключэння ў мэтах эканоміі вулічнага асвятлення горада ў начны час. На сайце www.change.org яны склалі электронную петыцыю з патрабаваннем адмяніць рашэнне мясцовых улад.
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары