Каля тысячы населеных пунктаў з савецкімі назвамі павінны быць перайменаваныя ва Украіне. Працэс пройдзе ў рамках дэкамунізацыі.
Інстытут нацыянальнай памяці Украіны заявіў аб неабходнасці перайменаваць парадку тысячы населеных пунктаў. «Згодна з дзейным законам «Аб асуджэнні камуністычнага і нацыянал-сацыялістычнага рэжымаў і забароне прапаганды іх сімволікі», пад перайменаванне падпадае 941 населены пункт», — растлумачыў старшыня інстытута Уладзімір Вятровіч на прэс-канферэнцыі, якая прайшла ў панядзелак, 23 лістапада.
Вятровіч адзначыў, што з 32 гарадоў, якія носяць савецкія назвы, у 14 на дадзены момант няма магчымасці правесці грамадскія слуханні па пытаннях перайменавання, бо яны знаходзяцца на некантраляваных Украінай тэрыторыях Данецкай і Луганскай абласцей, а таксама ў Крыме.
У некаторых гарадах, адзначае агенцтва «Украінскія навіны», ужо прайшлі грамадскія слуханні, дзе былі вынесеныя прапановы па перайменаванні. Так, Арцёмаўск і Дзяржынск у Данецкай вобласці прапануецца перайменаваць у Бахмут і Тарэцк, Іллічоўск у Адэскай вобласці — у Чарнаморск, а Кіраваград прадставіў 7 адпаведных прапаноў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары