130 турэцкіх вайскоўцаў, якія прыбылі ў Ірак для навучання байцоў іракскіх курдаў, уварваліся ў краіну без згоды і неадкладна павінны яе пакінуць. Пра гэта гаворыцца ў заяве прэс-цэнтра прэм'ер-міністра Ірака, паведамляюць інфармагенцтвы.
«Узброеныя сілы Турцыі, якія знаходзяцца побач з Масулам, уварваліся ў краіну без згоды, і яны павінны неадкладна сысці», — адзначаецца ў заяве.
Раней СМІ паведамлялі, што МЗС Ірака распаўсюдзіла аналагічную заяву на мясцовых тэлеканалах. У ёй падкрэслівалася, што любыя ваенныя аперацыі, не ўзгодненыя з урадам у Багдадзе, не маюць права на правядзенне.
Пазней інфармагенцтвы са спасылкай на крыніцу ў абаронных колах ЗША паведамілі, што ініцыятыва Турцыі не адносіцца да дзеянняў кааліцыі, якую ўзначальвае ЗША.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ16
Каментары