Пра гэта заявіў галоўны трэнер БАТЭ Аляксандр Ермаковіч на пасляматчавай прэс-канферэнцыі.
Што падумалі пасля таго, як Гардзяйчук не забіў?
— Гэты момант будзе нам доўга сніцца. У нас была надзея, але яна памерла. Але пры гэтым хачу сказаць, што каманда дзейнічала выдатна. Хлопцы малайцы.
— Гэта найлепшая Ліга чэмпіёнаў у гісторыі БАТЭ?
— За гэты год мы значна дадалі. Складана ацэньваць 2008, 2012, але ў параўнанні з мінулым годам мы зрабілі крок наперад. Мы паказалі, што можам гуляць на добрым узроўні. Не ўсё так дрэнна ў нас.
— Найлепшы гулец БАТЭ ў гэтай Лізе чэмпіёнаў?
— Зараз я, напэўна, не гатовы сказаць. Адназначна гэта не адзін гулец. Добра дзейнічала ўся каманда. Але калі адзначаць, то Стасевіч і Чэрнік сябе добра праявілі. Той жа Глеб эпізодамі. Той жа Мілунавіч. Але ўсё роўна нам не хапае стабільнасці нават у рамках адной гульні. Калі б мы гулялі больш роўна, вынік мог быць яшчэ лепшы, — сказаў Ермаковіч.
Каментары