Упраўленнем Следчага камітэта Рэспублікі Беларусь па Гродзенскай вобласці завершана расследаванне і накіраваныя ў суд тры крымінальныя справы па фактах арганізацыі незаконнай міграцыі.
Устаноўлена, што з 2012 па жнівень 2014 года гадоў звыш 40 грамадзян Рэспублікі Беларусь, Азербайджана, Таджыкістана і В'етнам,а арганізавалі злачынную групу. Яны транзітам праз Беларусь перапраўлялі ў Еўрасаюз мігрантаў з В’етнаму. Агулам злачынцы «дапамаглі» больш чым 150 в’етнамцам.
У жніўні 2014 праваахоўнікі затрымалі ў Ашмянскім раёне двух удзельнікаў арганізаванай групы, якія незаконна перамяшчалі праз мяжу 8 мігрантаў. Неўзабаве высветлілі і астатніх «памочнікаў».
У ходзе следчых дзеянняў устаноўлена, што ў арганізаванай злачыннай групе існавала выразная іерархія, дзейнічаў прынцып размеркавання роляў, мелася адладжаная сістэма сувязі і канспірацыі. Да таго ж, кожны мігрант выплачваў ўзнагароджанне за транзіт. «Дапамога» каштавала ад 6 да 15 тысяч долараў ЗША.
Па накіраваных у суд крымінальных справах дзеянні 12 абвінавачаных кваліфікаваныя як арганізацыя незаконнай міграцыі замежных грамадзян. У дачыненні да двух з іх судом вынесены абвінаваўчы прысуд. Яны атрымалі па тры гады пазбаўлення волі з адбываннем яго ў папраўчай калоніі ўзмоцненага рэжыму і з канфіскацыяй маёмасці.
Расследаванне ў дачыненні да астатніх працягваецца. Накладзены арышт на іх маёмасць, у тым ліку на аўтамабілі і грашовыя сродкі (на агульную суму каля 1,5 мільярда рублёў). Затрыманыя грамадзяне В'етнама дэпартаваныя з Рэспублікі Беларусь.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары