Пра гэта беларускі артыст паведаміў на сваіх старонках у сацыяльных сетках.
«У мяне для вас не вельмі добрая навіна: на дадзены момант мне часова забаронены ўезд ва Украіну. Прычыны не паведамілі. У афіцыйных спісах забароненых мяне няма, але ўсё ж ўезд закрыты. Вось такія справы. Але … Жыццё ў кайф без Кіева і іншых гарадоў дакладна не магчымае і тое, што мы з вамі яшчэ не раз разгайдаем, гэта справа часу! Так што не хвалюйцеся, тур пераносіцца, сітуацыя будзе вырашацца) P.S. На пазітыве!» — напісаў Корж.
Артыст заявіў, што штамп аб забароне на ўезд ва Украіну яму паставілі ў кіеўскім аэрапорце «Барыспаль» пры праходжанні пашпартнага кантролю.
У сакавіку ў Макса Каржа быў запланаваны гастрольны тур па ўкраінскіх гарадах: 3 сакавіка — Крывы Рог, 4 сакавіка — Днепрапятроўск, 6 — Палтава, 8 — Харкаў, 11 — Івана-Франкоўск.
У ліпені мінулага года былі анансаваныя яго канцэрты ў Сімферопалі і Севастопалі, якія з'яўляюцца акупаванай ўкраінскай тэрыторыяй. На сайце спевака сцвярджаецца, што выступы не адбыліся, аднак у інтэрнэце выстаўленыя відэа з тых канцэртаў.
А ў лістападзе 2015 з аншлагам прайшлі яго канцэрты ў Кіеўскім палацы спорту і на Львоўскім велатрэку, дзе ён прадставіў праграму «Вялікі Flat 2».
Служба бяспекі Украіны патлумачыла, што «грамадзяніну Беларусі Максіму Каржу быў забаронены ўезд на тэрыторыю Украіны тэрмінам на 5 гадоў».
Каментары