Жыхарка Растоўскай вобласці Расіі аштрафаваная на мяжы за пакінутую ў пашпарце валюту, паведамілі ў прэс-службе Брэсцкай Чырванасцяжнай памежнай групы імя Ф.Э.Дзяржынскага.
Інцыдэнт адбыўся ў міжнародным аўтадарожным пункце пропуску «Брэст». Едучы з Беларусі ў Польшчу, жыхарка горада Зернаград прад'явіла памежнаму нараду пашпарт, у якім знаходзіліся 50 еўра. Гэты факт супрацоўнікамі памежнай службы расцэнены як падбухторванне да парушэння парадку пагранкантролю.
Паводле слоў жанчыны, грошы ў дакуменце яна пакінула выпадкова. Аднак, згодна з заканадаўствам, нават ненаўмысна ўчыненыя падобныя дзеянні кваліфікуюцца як адміністрацыйнае правапарушэнне і караюцца як мінімум штрафам. У пэўных выпадках правапарушальніку можа пагражаць дэпартацыя.
«Брэсцкая памежная група нагадвае грамадзянам, якія перасякаюць дзяржаўную мяжу, аб неабходнасці загадзя вызваліць дакументы ад вокладкі і любых укладанняў перад праходжаннем памежнага кантролю», — падкрэслілі ў прэс-службе.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў6
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары