Яго апазнаў таксіст, які вёз тэрарыстаў у аэрапорт.
Паводле інфармацыі бельгійскіх СМІ, трэцім тэрарыстам у аэрапорце Брусэля 22 сакавіка быў Фейсал Кефу.
Пра гэта паведамляе Le Soir.
Як гаворыцца ў паведамленні выдання, дачыненне Фейсала Кефу да выбухаў 22 сакавіка удалося ўсталяваць дзякуючы таму, што яго пазнаў таксіст, які вёз трох тэрарыстаў у аэрапорт у той дзень.
Пракуратура пакуль афіцыйна не пацвердзіла гэтую інфармацыю.
Нагадаем, што напярэдадні, у пятніцу паліцыя заявіла, што адным з шасці чалавек, якія былі арыштаваныя ў чацвер вечарам у рамках антытэрарыстычнага рэйду ў Брусэлі, быў Фейсал С., які, верагодна, быў трэцім тэрарыстам у аэрапорце.
Тады ў паліцыі паведамілі, што ёсць «вялікая верагоднасць», што затрыманы мужчына, гэта той чалавек у капелюшы, якога сфатаграфавалі ў аэрапорце разам з двума тэрарыстамі-смяротнікамі. Трэці падазраваны ўцёк да выбухаў.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім8
Каментары