Нашто Лукашэнка зьявіўся на публіцы з хлопчыкам?
На суботніку 19 красавіка Аляксандр Лукашэнка працаваў разам зь бялявым хлопчыкам гадоў чатырох. Пазьней яны разам зьявіліся на хакейным матчы.
На суботніку 19 красавіка Аляксандр Лукашэнка працаваў на будаўніцтве велізарнага спартовага будынка «Менск-Арэна». А дапамагаў яму бялявы хлопчык гадоў чатырох. Як піша «Комсомольская правда в Беларуси», было бачна, што дачыненні паміж дзіцем і беларускім кіраўніком вельмі цёплыя, бацькоўскія.
Пазней яны разам з'явіліся на хакейным матчы. Малы паціснуў рукі ўсёй камандзе, сфатаграфаваўся з ёй.
Па адказ на пытанне, хто гэты малы, «Комсомольская правда в Беларуси» затэлефанавала кіраўніку прэс-службы прэзідэнта Паўлу Лёгкаму.
— Як клічуць хлопчыка, які працаваў на будоўлі разам з прэзідэнтам? — спыталіся журналісты.
— Не ведаю. У спісах прэзідэнцкай брыгады на суботніку гэты маленькі працаўнік не значыўся. Але ён добра працаваў, дапамагаў Аляксандру Рыгоравічу.
— Пазней з'явіўся на хакейным матчы…і вельмі актыўна хварэў за каманду Лукашэнкі. Можа быць, гэта малодшы сын кіраўніка дзяржавы, пра якога Аляксандр Лукашэнка згадаў летась на прэс-канферэнцыі?
— Прэс-служба адказвае за асвятленне дзейнасці кіраўніка дзяржавы. А пра сваё асабістае жыццё і пра сям'ю ён распавядае журналістам сам.
Варта дадаць, што фота А. Лукашэнкі з хлопчыкам былі зробленыя агенцтвам БЕЛТА і з'явіліся на першых старонках дзяржаўных газетаў.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары