Святары, якія чыталі «Магутны Божа», каб выйграць кнігі, атрымалі іх яшчэ да заканчэння конкурсу
У канцы лютага клірыкі Гарадзенскай епархіі прынялі удзел у конкурсе партала TUT.BY, каб атрымаць 30 кніг беларускіх аўтараў, якія яны паабяцалі перадаць парафіяльнай бібліятэцы.
Пабачыўшы конкурснае відэа, Саюз беларускіх пісьменнікаў вырашыў падарыць літаратуру для бібліятэкі Пакроўскага сабора па-за межамі конкурса.
25 сакавіка у актавай зале кафедральнага сабора адбылася літаратурная вечарына, прысвечаная 70-годдзю Саюза ў Гродне. У час імпрэзы памочнік старшыні Саюза беларускіх пісьменнікаў Усевалад Сцебурака перадаў для бібліятэкі кнігі на беларускай мове.
«Нядаўна ў сеціве з'явілася відэа, на якім гарадзенскія святары чытаюць верш «Магутны Божа». У кароткі час яно разышлося па прасторы інтэрнэта. Канечне, мы таксама яго бачылі, і яго нам вельмі спадабалася. Мы вырашылі перадаць ад Саюза шэраг кніг, негледзячы на тое, пераможа гэты ролік у конкурсе ці не», - сказаў Усевалад.
Дзякуючы ініцыятыве СБП фонды парафіяльнай бібліятэкі папоўніліся творамі Васіля Быкава, Ніла Гілевіча, Юрася Залоскі, Алеся Пашкевіча, Дар’і Вашкевіч, часопісамі «Дзеяслоў» і дзіцячым часопісам «Гарбузік». «Калі казаць шчыра, мы не надта разлічвалі нават на перамогу ў конкурсе, а тым больш на ўвагу да нашага відэа па-за яго межамі. Таму ўдвая прыемна, што так атрымалася. Спадзяюся, атрыманыя кнігі будуць карыстацца попытам у нашых парафіян», – адказаў адзін з аўтараў роліка дыякан Дзмітры Паўлюкевіч.
-
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
-
У Магілёве адкрылі шыльду губернатару Дэмбавецкаму. Дату смерці яму напісалі на гады ранейшую за спробу ўцячы з Савецкай Расіі
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў6
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары