Рэспубліканец Джон Кейсік мае намер аб'явіць пра спыненне барацьбы за вылучэнне ў прэзідэнты ЗША, паведамляюць тэлеканалы NBC і CNN. Кейсік — апошні канкурэнт лідара гонкі сярод рэспубліканцаў Дональда Трампа.
Кандыдат у прэзідэнты ЗША ад Рэспубліканскай партыі вырашыў выйсці з прэзідэнцкай гонкі. Пра гэта паведамляе NBC са спасылкай на аднаго з высокапастаўленых кіраўнікоў яго кампаніі. Пра гэта ж паведамляе тэлеканал CNN са спасылкай на крыніцу, знаёмую з планамі палітыка.
Раней у сераду Кейсік адмяніў сваю прэс-канферэнцыю ў Віржыніі і абвясціў, што ў чацвер зробіць заяву ў Калумбусе, штат Агаё, адзначае тэлеканал.
Рашэнне прагучала пасля пасля таго, як на праймерыз у Індыяне Кейсік заняў трэцяе месца, саступіўшы сваім аднапартыйцам Дональду Трампу і Тэду Крузу.
Круз пасля пройгрышу Трампу ў Індыяне ўжо адмовіўся ад удзелу ў прэзідэнцкай гонцы.
«З самага пачатку я казаў, што мы будзем змагацца да таго часу, пакуль у нас застаюцца шанцы на перамогу. Сёння я са шкадаваннем павінен сказаць, што перамога фактычна выключана», - заявіў Круз.
Такім чынам, калі Кейсік сапраўды выйдзе з прэзідэнцкай кампаніі, у Трампа не застанецца ніводнага канкурэнта сярод рэспубліканцаў у барацьбе за вылучэнне ў прэзідэнты ад Рэспубліканскай партыі.
Пасля перамогі ў Індыяне Трамп заручыўся падтрымкай 1047 дэлегатаў на партыйным з'ездзе. Для безумоўнага вылучэння ў кандыдаты на пасаду прэзідэнта яму трэба атрымаць галасы 1237 дэлегатаў.
Кейсік на першасных выбарах у Індыяне атрымаў менш за 10% галасоў. Раней ён выйграў толькі ў штаце Агаё, заручыўшыся падтрымкай 153 дэлегатаў.
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары