Ваенны акруговы суд у Варшаве прысудзіў падпалкоўніка Войска Польскага на шэсць гадоў пазбаўлення волі за шпіянаж на карысць Расіі.
Cуд таксама на пяць гадоў пазбавіў гэтага афіцэра яго грамадзянскіх правоў. Акрамя гэтага, суд вырашыў аштрафаваць яго на 16,5 тысячы злотых.
Ваенны, які працаваў у дэпартаменце Міністэрства абароны Польшчы, быў арыштаваны ў кастрычніку 2014 года. З таго часу ён знаходзіўся пад вартай. Пракуратура абвінаваціла яго ў выкананні заданняў замежнай разведкі і перадачы інфармацыі, якая магла нанесці шкоду Польшчы.
Дэпутаты, якія займаліся гэтай справай у рамках камісіі Сейма, адзначалі, што польскі афіцэр быў звязаны з расійскай ваеннай выведкай ГРУ. Пад вартай знаходзіцца яшчэ адзін чалавек, юрыст з падвойным грамадзянствам, які таксама дзейнічаў у інтарэсах Расіі.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары