Парламент Германіі прызнаў генацыд армянаў
Ніжняя палата парламента Германіі падтрымала рэзалюцыю, якая прызнае падзеі 1915 года ў Асманскай імперыі генацыдам армянскага насельніцтва з боку туркаў.
Дэбаты з нагоды стаўлення да падзей пачатку Першай сусветнай вайны працягваюцца ў Германіі ўжо не першы год. У красавіку мінулага года прэзідэнт краіны Гаўк адкрыта назваў генацыдам масавыя забойствы армянаў у Асманскай імперыі.
Турцыя адмаўляе, што падзеі 100-гадовай даўніны былі генацыдам, і ўказвае на тое, што ў час вайны ахвяры былі з усіх бакоў канфлікту.
Перад пачаткам галасавання прэм'ер-міністр Турцыі Біналі Йылдырым заявіў, што яно павінна стаць «тэстам на дружбу» Берліна і Анкары.
Палітык таксама адзначыў, што сёння ў Германіі пражывае каля 3,5 мільёна турак, якія ўносяць актыўны ўклад у эканоміку краіны.
Гісторыкі сыходзяцца ў тым, што ў 1915-1916 гадах сотні тысяч армян загінулі падчас масавай дэпартацыі з Анатолі (усходняя вобласць цяперашняй Турцыі) — у прыватнасці, у сірыйскую пустыню і іншыя малапрыдатныя для жыцця месцы.
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»14
Каментары