ДАІ прапанавала варыянты аб'езду закрытага ў Мінску ўчастка вуліцы Клары Цэткін
Дзяржаўтаінспекцыя прапанавала варыянты аб'езду закрытага ў Мінску ў сувязі з будаўніцтвам метрапалітэна ўчастка вуліцы Клары Цэткін.
Як паведаміла прэс-служба УДАІ Мінгарвыканкама, для аб'езду пры руху ў цэнтральную частку горада рэкамендуецца выкарыстоўваць маршрут: завулак Дамашэўскі — вул. К.Лібкнехта — 2-гі завулак Розы Люксембург з выездам на праспект Дзяржынскага. Пры руху з цэнтральнай часткі горада лепш за ўсё выкарыстоўваць вул. М.Багдановіча, пр-т Машэрава, а таксама пр-т Пераможцаў.
Вуліцу Караля на ўчастку ад вул. Няміга да вул. Кальварыйскай немэтазгодна выкарыстоўваць для транзітнага руху ў сувязі з тым, што на скрыжаванні вул. Караля з вуліцай Сухая вядуцца работы па будаўніцтве трэцяй лініі метрапалітэна.
ДАІ таксама нагадвае, што па вул. Караля на ўчастку ад вул. К.Цэткін да вул. Дразда устаноўлены дарожныя знакі 3.27 «Спыненне забароненае» ў сувязі з неабходнасцю руху па гэтай вуліцы буйнагабарытнай тэхнікі. Для павелічэння прапускной здольнасці дарогі такія ж знакі размешчаныя на вул. Дразда. ДАІ заклікае вадзіцеляў не паркаваць транспартныя сродкі на названых участках. У адваротным выпадку аўтамабілі будуць эвакуіраваныя.
З 4 ліпеня арыенціровачна да 1 кастрычніка закрыты рух транспартных сродкаў на вул. К.Цэткін на участках ад пл. Багушэвіча да вул. К.Лібкнехта і ад вул. Караля да вул. Кальварыйскай.
-
Расійская спявачка Вікторыя Дайнека мала таго што пракацілася з канцэртамі па акупаваных тэрыторыях, дык яшчэ і пастраляла
-
Статкевіч: Зараз толькі фармальная незалежнасць пакуль ратуе нас ад наўпроставага ўцягвання ў расійска-ўкраінскую вайну
-
Завяршыць рамонт моста цераз Свіслач у Мінску плануюць да пачатку верасня
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча9
Каментары