Сумесна з прасторай ЦЭХ фатограф стварыў канцэпцыю сваёй першай персанальнай выставы. У экспазіцыю ўвойдуць усе галоўныя працы за апошнія 7 гадоў, а таксама новыя праекты, відэа і нават інсталяцыі.
Спецыяльна для такога маштабнага праекта, сёння на краўдфандынгавай пляцоўцы «Талака» запускаецца кампанія па зборы сродкаў. Кожны ахвотны можа набыць любы экспанат выставы і стаць уладальнікам аўтарскай фатаграфіі ў адзінкавым экзэмпляры.
Падрабязнасцяў выставы ці дэталей яе канцэпцыі аўтар не раскрывае, абяцаючы, што гэта будзе зусім нетыповая фатаграфічная выстава.
Сяргей Гудзілін — беларускі фотажурналіст і дакументальны фатограф. У «Нашай Ніве» працуе ад 2011 года. Уладальнік Гран-пры Прэс-фота Беларусі 2011. У 2014 годзе паводле версіі амерыканскага часопіса фатаграфічнай індустрыі Phoro Distric News трапіў у спіс 30 перспектыўных фатографаў свету. Акрамя здымак у НН працаваў для The New York Times, National Geographic Magazine, Gazeta Wyborcza і іншых замежных СМІ. Жыве ў Жодзіне. Жанаты, выхоўвае дзвюх дачок.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары