Забойства Паўла Шарамета: генпракурор Украіны назваў асноўныя версіі следства
Асноўнымі версіямі забойства журналіста Паўла Шарамета следства разглядае яго прафесійную дзейнасць і дэстабілізацыю сітуацыі ў цэнтры Украіны.
Пра гэта заявіў генеральны пракурор Украіны Юрый Луцэнка падчас нарады з кіраўнікамі сілавых структур у прэзідэнта Пятра Парашэнкі, паведамляе прэс-служба кіраўніка ўкраінскай дзяржавы.
«Акрамя версіі забойства з-за прафесійнай дзейнасці, мы разглядаем магчымасць версіі дэстабілізацыі сітуацыі ў цэнтры Кіева», — адзначыў ён.
Луцэнка таксама прапанаваў узмацніць назіранне за масавымі акцыямі ў сталіцы Украіны ў найбліжэйшы час.
«Я не думаю, што мы павінны нешта забараняць, але любыя акцыі ў бліжэйшы час павінны арганізоўвацца з ужываннем рамкі металашукальнікаў. Занадта шмат інфармацыі паступае пра магчымыя правакацыі ў бліжэйшыя дні, і ў сувязі з сённяшняй страшнай падзеяй з Паўлам, гэта можа сапраўды быць часткай нейкага вялікага плана», — сказаў генпракурор.
Старшыня СБУ Васіль Грыцак у сваю чаргу запэўніў, што сілавыя структуры з прыцягненнем найлепшых спецыялістаў праводзяць скаардынаваныя следчыя дзеянні.
«Мы маем базу дадзеных прымянення самаробных выбуховых прылад. Разлічваем на дапамогу і кансультатыўную і практычную нашых замежных партнёраў», - адзначыў ён.
Паводле яго слоў, СБУ будзе працаваць над версіяй, што мэтай забойства журналіста была дэстабілізацыя сітуацыі ва Украіне.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?6
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары