Работнікам «Магілёўліфтмаша» забаранілі 22 ліпеня браць «ссабойкі»
22 ліпеня работнікаў завода «Магілёўліфтмаш» чакае шэраг абмежаванняў. Трапіць на завод можна будзе па пашпартах і прапусках. Да 17-й гадзіны не будзе працаваць сталовая, але ежу з сабой рэкамендуецца прыносіць мінімальна — на ўваходзе будзе правярацца ручная паклажа. Прыходзіць на завод з заплечнікамі забаронена.
Аўтастаянкі завода будуць зачыненыя. Уваход у цэхі будзе адбывацца праз рамкі металашукальнікаў. Адпаведныя ўказанні змешчаныя ў інструкцыі, якая трапіла ў сацсеткі.
Гэтыя ды іншыя меры прымаюцца ў сувязі з тым, што ў пятніцу на завод прыбудзе Аляксандр Лукашэнка. Будучы прыезд кіраўніка дзяржавы на «Магілёўліфтмаш» пацвердзілі і ў яго прэс-службе. Праўда, раскрываць мэты паездкі кіраўнік прэс-службы Сяргей Пелюшкевіч не стаў:
«Ёсць такія планы… Дачакайцеся, пакуль мы наведаем прадпрыемства, а потым усё прачытаеце».
Дарэчы, аўтастаянкі завода ужо з сённяшняга дня стаяць пустыя. Аўтамабілі запаркаваныя ўздоўж праезнай часткі дарог.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў6
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары