Уплывовы журналіст-мусульманін перайшоў у каталіцтва пасля забойства святара ў Францыі ісламістамі
Амерыканец іранскага паходжання Сахраб Ахмары заявіў у твітэры, што прымае каталіцтва ў дзень забойства ісламістамі французскага каталіцкага святара Жака Амэля, піша польскае выданне gosc.pl.
«Насамрэч гэта правільны час аб'явіць, што я пераходжу ў каталіцтва», — напісаў журналіст уплывовай газеты Wall Street Journal.
Ісламскія тэрарысты перарэзалі горла 86-гадоваму святару ў касцёле горада Сэнт-Эцьен-дзю-Руўрэ падчас імшы, спрабавалі забіць манахіню, ранілі яшчэ дваіх чалавек.
Журналіст зараз піша рэдакцыйныя калонкі, браў шматлікія інтэрв'ю ў вядомых палітыкаў, вайскоўцаў і філосафаў, крытычна ставіцца да абодвух кандыдатаў на пасаду прэзідэнта ЗША — Дональда Трампа і Хілары Клінтан.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы4
Каментары