Брытанскія ўлады затрымалі ля ўзбярэжжа Корнуэла судна, на борце якога знаходзілася каля 50 мяхоў з какаінам агульнай вагой больш за тону.
Партыя ацэньваецца прыкладна ў 80 мільёнаў фунтаў стэрлінгаў.
Траім членам экіпажу - 67-гадоваму капітану судна з Ірландыі, 57-гадоваму брытанцу і 26-гадоваму грамадзяніну Нідэрландаў - выстаўленыя абвінавачванні ў кантрабандзе наркотыкаў, піша The Guardian.
Прадстаўнік памежнай службы Майк Стэпні заявіў, што гэта адна з самых буйных партый, калі-небудзь перахопленых у Вялікабрытаніі.
Марк Хардзінг з брытанскага Нацыянальнага агенцтва па барацьбе з злачыннасцю дадаў: «Канфіскацыя такой вялікай партыі, хутчэй за ўсё, зробіць сур'ёзны разбуральны эфект на ўвесь ланцужок паставак і пакіне злачынцаў з вялікімі даўгамі».
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая75
Каментары