Завершана расследаванне крымінальнай справы ў дачыненні да Вячаслава Давыдовіча, заснавальніка і старшыні міжнароднай дабрачыннай грамадскай арганізацыі «У дапамогу дзецям-сіротам». Яму прад'яўленае абвінавачванне ў здзяйсненні злачынства супраць палавой недатыкальнасці непаўналетніх, а таксама шэрагу эканамічных злачынстваў.
«Падчас следства ўстаноўлена, што ад красавіка 2010 года па лістапад 2012 года ён здзейсніў дзеянні сэксуальнага характару ў дачыненні да выхаванцаў дзіцячых дамоў», — распавяла афіцыйны прадстаўнік Следчага камітэта Беларусі Юлія Ганчарова.
Дзеянні Давыдовіча следчымі кваліфікаваныя адразу па пяці артыкулах Крымінальнага кодэкса Беларусі: ч.3 арт. 167 (Гвалтоўныя дзеянні сэксуальнага характару, учыненыя ў дачыненні да заведама малалетняга), арт. 168 (Іншыя дзеянні сексуальнага характару з асобай, якая не дасягнула шаснаццацігадовага ўзросту), ч.2 арт. 233 (Незаконная прадпрымальніцкая дзейнасць), ч.2 арт. 424 (Злоўжыванне службовымі паўнамоцтвамі), ч.2 арт. 427 (Службовая падробка).
Крымінальная справа вывучаная пракурорам і накіраваная ў суд.
Нагадаем, Вячаслаў Давыдовіч ужо быў пад следствам па 168 артыкуле Крымінальнага кодэксу (Палавыя зносіны і іншыя дзеянні сексуальнага характару з асобай, якая не дасягнула шаснаццацігадовага ўзросту). Справа была ўзбуджаная 25 ліпеня 2014 года, але зімой таго ж года праз адсутнасць доказаў СК спыніў яе. У чэрвені 2015 года справа была адноўленая.
Цяпер Вячаслаў Давыдовіч адбывае пакаранне за ўчыненне эканамічнага злачынства. У лютым 2014 года суд прыгаварыў яго да 4 гадоў пазбаўлення волі за незаконную прадпрымальніцкую дзейнасць, звязаную з атрыманнем даходу ў асабліва буйным памеры.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?2
Каментары