У Беслане здзейснены напад на Святлану Маргіеву і Элу Кесаеву, дзеці якіх сталі ахвярамі тэрарыстычнага акту ў школе. У дзень жалобных мерапрыемстваў жанчыны апранулі майкі з абвінавачваннямі ў адрас прэзідэнта Расіі Уладзіміра Пуціна, паведамілі журналісты «Новой газеты» і выдання «Такие дела».
Нападу таксама падвергліся супрацоўнікі гэтых СМІ Алена Касцючэнка і Дыяна Хачатран.
Па словах заснавальніка «Таких дел» Дзмітрыя Аляшкоўскага, у журналістаў адабралі тэлефоны і аблілі іх зялёнкай.
Калега Касцючэнкі Алена Мілашына паведаміла, што ў нападзе ўдзельнічала група «неапазнаных людзей у цывільным, якіх у велізарнай колькасці сагналі на тэрыторыю першай школы Беслана».
Па словах Мілашынай, у Касцючэнкі адабралі камеру і тэлефон, пасля чаго адвялі ў невядомым кірунку.
«Тое ж самае рабілі з Элай Кесаевай і Светай Маргіевай. У іх адабралі камеры, калі яны здымалі, як іх атачаюць людзі ў цывільным. З Касцючэнкай сувязі няма», — напісала Мілашына ў сваім Фэйсбуку.
«Новая газета» заявіла, што мае намер звярнуцца ў Следчы камітэт па факце бяздзейнасці паліцэйскіх пры нападзе на журналістаў.
Эла Кесаева, Святлана Маргіева і яшчэ тры жанчыны 1 верасня ў час жалобных мерапрыемстваў у Беслане апранулі майкі з надпісамі, які абвінавачваюць Пуціна ў тым, што адбылося ў Беслане.
У чатырох з пяці удзельніц акцыі ў захопленай тэрарыстамі школе загінулі дзеці.
Жанчыны патрабавалі расследавання трагедыі і абвінавачвалі праваахоўныя органы ў абстрэле школы, у якой знаходзіліся закладнікі.
Іх затрымалі па абвінавачванні ў парушэнні парадку правядзення мітынгаў. Тры ўдзельніцы акцыі былі прысуджаныя да 20 гадзін грамадскіх прац, дзве — да штрафаў у памеры 20 тысяч рублёў.
1 верасня 2004 года ў школе нумар 1 Беслана адбыўся тэракт: на працягу двух з паловай дзён у будынку школы нападнікі ўтрымлівалі 1128 чалавек. У асноўным закладнікамі былі дзеці, іх бацькі і работнікі школы. У выніку тэракту і пры штурме будынка загінулі 314 закладнікаў, а некалькі соцень чалавек атрымалі раненні.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары