Беларусь і Расія практычна дамовіліся па газавым пытанні, заявіў сёння журналістам Аляксандр Лукашэнка.
«Учора скончыліся чарговыя перамовы на ўзроўні віцэ-прэм'ераў па гэтых пытаннях, — сказаў ён. — Практычна дамовіліся, стварылі нейкі дакумент. Мы яго за ноч прывялі ў той выгляд, як мы яго бачым. Расійскі бок, мабыць, прапануе нейкія свае варыянты. і сёння гэтыя два дакументы знаходзяцца ва ўрадзе Расійскай Федэрацыі. Яны разгледзяць іх і ўнясуць прапановы. Думаю, у бліжэйшы час мы вырашым гэтае пытанне».
«Расіяне вельмі сур'ёзна пасунуліся ў гэтым плане і тым самым прызналі, што беларусы мелі рацыю. Ведаеце, нам быць не правымі і выстаўляць нейкія прэтэнзіі да Расіі было б смешна. Мы ў абсалютным здароўі, і калі мы чагосьці патрабуем, значыць, у нас ёсць жалезабетонная пазіцыя», — адзначыў Лукашэнка.
У той жа час пэўная пазіцыя ёсць і ў расійскага боку, заснаваная на яе інтарэсах. «Мы абавязаны ўлічваць іх інтарэсы. І на падставе гэтага былі знойдзеныя агульныя падыходы, — сказаў беларускі лідар. - Я бачыў, што пісалі, што публікавалі расійскія СМІ, часам там былі ўкіды, і ведаю каго. Гэта таксама адпаведная тактыка перамоваў. толькі ўчора позна ўвечары знайшлі прымальныя для нас і для Расіі развязкі па гэтым пытанні».
Кіраўнік дзяржавы таксама распавёў, што, калі ўзнікла дадзенае пытанне, ён адправіў па спецсувязі тэлеграму прэзідэнту Расіі Уладзіміру Пуціну, у якой выказаў сваё меркаванне ў некалькіх радках.
«Ён адрэагаваў імгненна. І мы дамовіліся, што, раз ёсць праблема, яе трэба вырашаць», — адзначыў беларускі лідар.
«Для нас важна адно — дамовімся. Інакш быць не можа. Калі мы ўжо з Расіяй не дамовімся, то з кім нам тады дамаўляцца», — рэзюмаваў кіраўнік дзяржавы.
Цяпер чытаюць
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў12
Каментары