Чыж паведаміў, што вызвалены пад падпіску аб нявыездзе
У інтэрвію карэспандэнту Свабоды Юры Чыж сказаў, што яго вызвалілі пад падпіску аб нявыезьдзе.
— Я свабодны ў перамяшчэньні па рэспубліцы.
— А якія ўмовы вашага вызваленьня? Вы павінны выплаціць нейкія грошы?
— Давайце без камэнтароў. Я пакуль не хачу абмяркоўваць.
— А калі вызвалілі?
— Учора.
— І вы выходзіце на працу?
— Так, буду працаваць. Адпачыў за паўгода, хопіць ужо лайдачыць.
— Заўтра выходзіце на працу?
— Заўтра, відаць, яшчэ прагуляю.
— Як вы можаце патлумачыць, што вас вызвалілі?
— Я не тлумачу. Я не хачу пакуль даваць камэнтары.
— А як было ў СІЗА КДБ, якія там умовы?
— Не абмяркоўваю. Гэта не раскажаш, гэта трэба спрабаваць самому.
— Магчыма, неяк паўплываў прэзыдэнт?
— Ня ведаю. Не камэнтуем пакуль.
— А вы ведаеце, што Ўладзімер Япрынцаў на волі? Як вы пракамэнтуеце яго вызваленьне?
— Ну патэлефануйце яму, ён тут даўно ўжо. Вазьміце ўдзел у ягоным шоў. Гэта цікавей, чым са мной гутарыць.
— Япрынцаў кажа, што вы яго здалі…
— Я падставіў яго?! Я прымусіў людзей браць грошы і пісаць падробленыя дакумэнты? Давайце ня будзем гэта абмяркоўваць, добра? Патэлефануйце Япрынцаву, пагутарыце зь ім самі.
— А што вы будзеце далей рабіць?
— Працаваць буду, як і раней.
— Былі чуткі, што нешта з вашых устаноў зачыняюць…
— Ніхто нічога не зачыняе.
— Як вас сустрэлі ў сям'і?
— Шыкоўна.
— Як вы правялі першыя дні на волі?
— Давайце скончым, больш не хачу абмяркоўваць.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары