У Кітаі жыве больш даляравых мільярдэраў, чым у ЗША — пра гэта сведчыць рэйтынг, апублікаваны шанхайскім даследчым інстытутам Hurun. Прычым разрыў паміж краінамі павялічваецца.
Сумай звыш за адзін мільярд даляраў, па дадзеных экспертаў, валодаюць 594 жыхары Кітая. Для параўнання: у Амерыцы сёння пражывае 535 мільярдэраў.
Рэйтынг Hurun публікуецца штогод на працягу апошніх 18 гадоў і традыцыйна прыцягвае ўвагу журналістаў, бізнэсменаў і даследчыкаў усяго свету падрабязнасці і дакладнасцю прадстаўленых дадзеных. Яго называюць аналагам спісу, які складаецца амерыканскім часопісам Forbes.
На першым месцы сярод кітайскіх мільярдэраў — Ван Цзяньлінь, кіраўнік Dalian Wanda Group, якая займаецца камерцыйнай нерухомасцю і кінапракатам, яго маёмасць ацэньваецца ў 32,1 млрд даляраў.
Кампанію Dalian Wanda называюць адным з найбуйнейшых у свеце аператараў кінатэатраў: яна з'яўляецца суўладальнікам сетак кінапракату не толькі ў Кітаі, але і ў Аўстраліі і ЗША.
У пачатку гэтага года Dalian Wanda за 3,5 млрд даляраў набыла амерыканскую кінастудыю Legendary Entertainment.
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары