Два чалавекі пацярпелі ў выніку сутыкнення маршрутнага таксі і легкавога аўтамабіля ў Магілёве, паведамілі БЕЛТА ва УДАІ ГУУС Магілёўскага аблвыканкама.

Аварыя адбылася раніцай 16 кастрычніка на вуліцы Цярохіна, фота з месца здарэння апублікавалі ў сацсетках відавочцы.


Сутыкнуліся маршрутнае таксі і аўтамабіль Audi. Ад удару легкавушка вылецела з праезнай часткі і перакулілася, пацярпелі кіроўца і пасажыр.

Сярод пасажыраў маршрутнага таксі пацярпелых няма. Прычыны аварыі высвятляюцца.
Каментары