Пракурор запатрабаваў асудзіць байкера, віноўніка ДТЗ з інспектарам ДАІ ў цэнтры Мінска, на 5 гадоў калоніі
У пятніцу працягваецца суд над матацыклістам, якія спрычыніўся да гучнага ДТЗ у цэнтры Мінска 18 красавіка. Сёння праходзяць спрэчкі бакоў. Сваё слова сказаў дзяржабвінаваўца — ён запатрабаваў 5 гадоў калоніі для абвінавачанага.
З апошнім словам выступіў і сам абвінавачаны. Сяргей Шаўцоў пажадаў пацярпеламу выздараўлення, а ўсім прысутным падзякаваў за падтрымку.
Сваёй віны ён не прызнаў і заявіў, што згодны пагасіць толькі частку маральнай шкоды інспектару ДАІ ў памеры 5000 рублёў (нагадаем, інспектар папрасіў задаволіць пазоў на суму ў 50 тысяч рублёў).
Пасля судовага паседжання сваякі выходзілі сумнымі, шмат хто плакаў, казалі, што лічаць пакаранне, якое запытаў пракурор, занадта суровым. Тым больш, што ў час ДТЗ пацярпеў і сам матацыкліст.
У судзе абвешчаны перапынак. Прысуд абвесцяць сёння ў другой палове дня.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары