Варвара Каравулава атрымала 4,5 гадоў калёніі.
Суд прызнаў былую студэнтку Маскоўскага дзяржаўнага ўнівэрсытэту Каравулаву вінаватай у спробе далучыцца да тэрарыстычнай групоўкі «Ісламская дзяржава» і прысудзіў яе да чатырох з паловай гадоў пазбаўленьня волі ў калёніі агульнага рэжыму.
Тэрмін пакараньня будзе вылічацца з 27 кастрычніка 2015 году. Пра гэта паведамляе карэспандэнт Радыё Свабода з залі суду.
Адвакат Каравулавай Сяргей Бадамшын заявіў, што абарона абскардзіла прысуд і лічыць яго занадта жорсткім.
Бок абвінавачаньня прасіў асудзіць дзяўчыну да пяці гадоў пазбаўленьня волі.
Напярэдадні Каравулава выступіла з апошнім словам, у якім папрасіла суд аб літасьці. Яна заявіла, што перапісвалася з членам «Ісламскай дзяржавы» ня як з баевіком, але як з каханым чалавекам. Свае ўцёкі з дому яна назвала вялікай памылкай.
Студэнтка філязофскага факультэту МДУ Варвара Каравулава (зьмяніла імя на Аляксандру Іванову) была затрыманая ў чэрвені 2015 году пры спробе перасекчы турэцка-сырыйскую мяжу. У лістападзе ў дачыненьні да яе была заведзена крымінальная справа.
Бацькі Каравулавай тлумачаць яе дзеяньні закаханасьцю ў меркаванага вярбоўшчыка «Ісламскай дзяржавы».
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары