З захопленых Расіяй буравых вышак у Чорным моры абстралялі транспартны самалёт Ан-26 Узброеных сіл Украіны. Пра гэта паведаміў міністр абароны Украіны Сцяпан Палтарак у фэйсбуку, піша »УП».
«Сёння, 1 лютага 2017 года, падчас здзяйснення трэніровачнага палёту ў выключнай (марской) эканамічнай зоне Украіны, у раёне Адэскага газавага радовішча, з раней захопленых Расійскай Федэрацыяй буравых вышак са стралковай зброі быў абстраляны транспартны самалёт Ваенна-марскіх сіл Узброеных сіл Украіны Ан-26», — напісаў міністр.
Паводле яго слоў, у выніку абстрэлу самалёту было нанесенае пашкоджанне. Экіпаж самалёта пры гэтым не пацярпеў, Ан-26 працягнуў выкананне палётнага задання.
Акрамя таго, паведаміў Палтарак, экіпаж выявіў і зафіксаваў працу радыёлакацыйнай станцыі Расіі ў актыўным рэжыме, якая звычайна выкарыстоўваецца для навядзення ракет сістэм супрацьпаветранай абароны.
«Пасля вяртання лятальнага апарата на аэрадром падчас вонкавага агляду паветранага карабля выяўлена 3-сантыметровая дзірка ад кулі — наступствы абстрэлу самалёта з стралковай зброі», — паведаміў кіраўнік Мінабароны Украіны.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары