15 лютага група грамадзян Расіі сарвала прэс-канферэнцыю спецпрадстаўніка АБСЕ Марціна Сайдзіка ў Мінску. 16 лютага адбыўся суд над адным з правакатараў.
У момант выхаду Сайдзіка да журналістаў два хлопцы і дзве дзяўчыны пачалі выкрыкваць «Рукі прэч ад Данбаса!», «Данбас — у склад Расіі!».
Аднаго з іх затрымалі.
16 лютага пастановай суда Ленінскага раёна Мінска ён быў асуджаны на 5 сутак арышту. Суд вырашыў, што мужчына вінаваты ў парушэнні ўсталяванага парадку правядзення сходу, мітынгу, вулічнага шэсця, дэманстрацыі і г.д.
Прысуд можа быць абскарджаны.
Асуджаны - Цімафей Ермакоў, 26-гадовы актывіст «Другой Расіі». Масквіч. Вучыцца на актора ў Дзяржаўным інстытуце тэатральнага мастацтва (ГІТІС).
Дарэчы, разам з Ермаковым на прэс-канферэнцыі была Дар'я Ісаева - 31-гадовая актывістка «Другой Расіі». Яна родам з Мурманска, але жыве ў Маскве.
У 2011 годзе Ісаева была асуджаная да 2 гадоў умоўнага тэрміну з выпрабавальным тэрмінам у 3 гады (па арт. 282.2 ч. 2 КК РФ, 165 ч. 2 КК РФ) за акцыю нацболаў «Еш бясплатна».
29 ліпеня 2008 года ў знак пратэсту супраць росту коштаў на ежу нацболы правялі акцыю ў маскоўскім рэстаране «Ёлкі-Палкі». Яны замовілі сабе ежу і расплаціліся за яе улёткамі «Еш бясплатна!».
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!3
Каментары