Кіроўцы пабіліся за месца ў чарзе паблізу пункта пропуску «Варшаўскі мост», паведамілі ў ДАІ УУС Брэсцкага аблвыканкама.
Інцыдэнт паміж 30-гадовым і 40-гадовым берасцейцамі адбыўся сёння каля 9 гадзін раніцы на дарозе Крапасны праезд. Два легкавыя аўтамабілі пры выездзе з тэрыторыі АЗС у парушэнне патрабаванняў дарожнага знака паехалі наўпрост, каб прайсці рэгістрацыю электроннай чаргі. Пры гэтым кіроўца «Аўдзі А6», жадаючы абагнаць суперніка, не ўлічыў бакавога інтэрвалу паміж аўто і зачапіў «Аўдзі 80».
Са слоў відавочцаў, дробнае ДТЗ справакавала канфлікт: замест таго, каб прынесці прабачэнні, віноўнік ДТЗ стаў высвятляць адносіны з пацярпелым. У запале ён ударыў нагой па фары. Двойчы пацярпелы кіроўца, нядоўга думаючы, дастаў падобны на малаток прадмет і разбіў задняе шкло аўтамабіля крыўдзіцеля.
На месца здарэння па выкліку прыбылі супрацоўнікі ДАІ, АМАП і аператыўная група. На ўдзельнікаў інцыдэнту было складзена чатыры адміністрацыйныя пратаколы, тры з якіх на завадатара канфлікту. Прычым пацярпелы выказаў пажаданне не прыцягваць крыўдзіцеля да адказнасці за здзяйсненне ДТЗ. Праверку па факце наўмыснага прычынення шкоды маёмасці праводзіць Маскоўскі РАУС.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары