Кіраўнікі ўрадаў Вышаградcкай групы, то бок Венгрыі, Польшчы, Славакіі і Чэхіі, падчас сустрэчы ў Варшаве прынялі сумесную дэкларацыю адносна будучыні Еўропы, паведамляе Радыё Польшча.
Польскі прэм'ер Бэата Шыдла адзначыла, што краіны прэзентуюць дакумент падчас саміту Еўрапейскага саюза ў Рыме, які запланаваны на 25 сакавіка.
«Мы падкрэсліваем неабходнасць правядзення рэформы Еўрасаюза ў сувязі з негатыўнымі зменамі ў ЕС, а таксама ў знешнім асяроддзі. Любая мадэль будучага супрацоўніцтва павінна гарантаваць інтэгральнасць, звязанасць адзінага рынку, Шэнгенскай зоны і самога Еўрасаюза. Мы не згодныя на падзелы ў ЕС і ніколі не дамо на гэта сваёй згоды, бо гэта самы кароткі шлях да паслаблення Еўропы», — сказала яна.
Кіраўнік польскага ўрада дадала, што прадстаўнікі Вышаградскай групы маюць намер інтэнсіўна папрацаваць над сумеснай пазіцыяй у перыяд перад сустрэчай у Рыме.
Па словах Беаты Шыдла, прапановы Вышаградскай групы заключаюцца ў «паляпшэнні Еўропы», а не ў разважанні над тым, ці будзе яна «меншай або большай».
-
«Паліць нафтаперапрацоўчыя заводы». Кіт Келаг параіў, што трэба рабіць Украіне пасля папярэджанняў Трампа
-
У Францыі хакеры ўзламалі халадзільнікі ў сотнях супермаркетаў. Замест мінусавой тэмпературы яны сталі даваць плюсавую
-
У Германіі затрымалі падазраваных у падпале станцыі Starlink у Польшчы. Яны іншаземцы
Каментары