Міністры фінансаў краін «Вялікай дваццаткі» на штогадовай сустрэчы не змаглі дамовіцца аб абароне свабоднага гандлю і барацьбе з пратэкцыянізмам пасля таго, як ЗША адмовіліся падпісваць дакумент.
У камюніке, апублікаваным па выніках сустрэчы ў нямецкім горадзе Бадэн-Бадэн, не было словаў пра тое, што краіны бяруць на сябе абавязальніцтвы ў барацьбе з пратэкцыянізмам.
Яшчэ ў мінулым годзе прадстаўнікі G20 абяцалі «пратэст супраць усялякіх формаў пратэкцыянізму».
Праблема пратэкцыянізму абвастрылася з прыходам да ўлады ў ЗША новай адміністрацыі на чале з прэзідэнтам Дональдам Трампам, які заявіў пра неабходнасць паменшыць гандлёвы дэфіцыт краіны.
Яго ЗША ўжо выйшлі з Трансціхаакіянскага партнёрства.
На сустрэчы ў Бадэн-Бадэне міністры таксама адмовіліся ад абяцання змагацца з глабальным пацяпленнем. Раней Дональд Трамп называў змены клімату выдумкай.
Міністр фінансаў Францыі Мішэль Сапен заявіў, што яму шкада, што краіны не змаглі дамовіцца аб двух прыярытэтных для сучаснага свету рэчаў.
Яго калега з Германіі Вольфганг Шойбле заявіў, што немагчыма прымусіць партнёраў уключыць у дакумент заявы, якія ім не падабаюцца.
Дырэктар Міжнароднага валютнага фонду Крысцін Лагард пасля саміту міністраў фінансаў G20 заявіла, што сусветны эканамічны рост паскараецца, але памылковая палітыка можа спыніць гэты працэс.
Каментары