Леаніда Кулакова аштрафавалі на $600 і збіраюцца пазбавіць правоў кіроўцы
21 красавіка ў судзе Першамайскага раёну Менску адбыўся разгляд адміністрацыйнай справы таксіста і актывіста барацьбы за грамадзянскія правы Леаніда Кулакова.
Як паведамляюць праваабаронцы, яго абвінавацілі ва ўдзеле ў «несанкцыянаваным масавым мерапрыемстве» — мітынгу па абароне тэрыторыі забудовы Курапатаў, які адбыўся 25 лютага.
Судзьдзя Дзьмітры Цыкал пастанавіў прызнаць Кулакова вінаватым у парушэньні ч.3 арт. 23.34 КоАП і пакараў штрафам у памеры 50 базавых велічынь — 1150 рублёў, або 600 даляраў у эквіваленце.
26 красавіка Кулакова чакае новы суд. У тым жа судзе Першамайскага раёну будзе разглядацца справа аб абмежаваньні Леаніда Кулакова ў праве кіраваньня транспартным сродкам. Такая магчымасьць у заканадаўстве прадугледжаная для тых, хто мае запазычанасьць па штрафах. Кулакоў працуе на таксі, гэта ягоны асноўны сродак заробку.
19 красавіка актывіст выйшаў на волю з Цэнтру ізаляцыі правапарушальнікаў пасьля 25 сутак арышту — самы вялікі арышт, прысуджаны затрыманым удзельнікам Дня Волі. Тым часам супрацоўнікі органаў прымусовага выкананьня канфіскавалі ягоны аўтамабіль за няпоўную сплату ранейшых штрафаў.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары