У Кастрамской вобласці Расіі знеслі недабудаваную закінутую тэлевышку А-330, вышыня якой складала амаль 350 метраў. Пра гэта паведамляе LifeKostroma.
Для падрыву ўжылі зарад з кумулятыўным эфектам, які ўзмацняе дзеянне выбуху шляхам яго канцэнтрацыі ў зададзеным кірунку. Зарады заклалі ў аснове і пад адной з расцяжак вышкі.
Магутнасць кожнага з зарадаў складала ад трохсот да чатырохсот грамаў у трацілавым эквіваленце. Пасля выбуху мачта тэлевышкі ўпала ў спецыяльна падрыхтаваную для гэтага прасеку. На час падрыву тэрыторыю тэлевышкі ачапілі ў мэтах бяспекі.
Тэлевышку А-330 пабудавалі ў 1992 годзе, аднак праект замарозілі з-за спынення фінансавання. Закінутая вышка была мясцовай славутасцю для турыстаў і спартсменаў-экстрэмалаў. Хоць канструкцыі не пагражала падзенне, некалькі разоў на ёй адбываліся трагічныя выпадкі з удзелам парашутыстаў.
Каментары