Дачка рэктара Санкт-Пецярбургскага горнага ўніверсітэта Уладзіміра Літвіненкі, які двойчы ўзначальваў выбарчы штаб Уладзіміра Пуціна, вырашыла ўступіць у створаны Міхаілам Хадаркоўскім апазіцыйны рух «Открытая Россия», паведамляе belsat.
Фота ТАСС.
«Упэўнена, што мой тата Уладзімір Сцяфанавіч Літвіненка, рэктар Санкт-Пецярбургскага горнага ўніверсітэта, мяне ў гэтым рашэнні падтрымлівае», — напісала Вольга Літвіненка ў Фэйсбуку.
Вольга Літвіненка з 2007 па 2011 год была дэпутатам Заканадаўчага сходу Санкт-Пецярбурга. Шэсць гадоў таму яна з'ехала з Расіі.
«Открытая Россия» была заснавана акцыянерамі ЮКАСа і прыватнымі асобамі ў 2001 годзе. Следчы камітэт РФ неаднаразова праводзіў ператрусы ў офісах і кватэрах супрацоўнікаў руху ў Маскве.
У красавіку гэтага года Генпракуратура Расіі прызнала «Открытую Россию» непажаданай арганізацыяй.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары