Кіраўнік МЗС Аўстраліі Джулі Бішоп не выключыла завочнага суда над вінаватымі ў знішчэнні малайзійскага авіялайнера над Украінай. Яна заклікала Расію супрацоўнічаць у прыцягненні вінаватых да адказу, інфармуе DW.
Асоб, вінаватых у знішчэнні малайзійскага самалёта, у выніку якога ў ліпені 2014 года загінулі ўсе 298 чалавек на яго борце, могуць судзіць завочна. Пра гэта заявіла міністр замежных спраў Аўстраліі Джулі Бішоп у інтэрв'ю Аўстралійскай тэлерадыёвяшчальнай карпарацыі ў нядзелю, 16 ліпеня.
Бішоп адзначыла, што цяпер вывучаюцца ўсе юрыдычныя механізмы, і заклікала Расію выконваць рэзалюцыю Савета Бяспекі ААН 2166, распрацаваную Аўстраліяй.
«Гэты дакумент заклікае ўсе дзяржавы паклапаціцца аб тым, каб вінаватыя ў гібелі людзей былі прыцягнутыя да суду. Не выключана, што спатрэбіцца завочны судовы працэс», — сказала міністр.
Прапагандыстка АНТ Наталля Стэльмах змяніла імя на Наці Рышна і зарабляе ў Мексіцы на шаманах і наркатычных грыбах12
Каментары