Першая лэдзі Зімбабвэ Грэйс Мугабэ паўстане перад судом Паўднёва-афрыканскай рэспублікі па абвінавачванні ў гвалце, паведаміў міністр паліцыі.
Паводле звестак СМІ, спадарыня Мугабэ напала на 20-гадовую мадэль у гатэлі фешэнэбельнага раёна Сандтон ў Ёханэсбургу.
Маладая жанчына абвінаваціла 52-гадовую спадарыні Мугабэ ў тым, што тая ўдарыла яе ў твар, і выклала малюнак раны на галаве ў сацсетках.
Кіраўнік паліцыі Паўднёвай Афрыкі Фікіле Мбалула заявіў журналістам: «Яна не пад арыштам, бо супрацоўнічае з паліцыяй».
Згодна з паведамленнем, напад адбыўся ў нядзелю ўвечары. Міністр урада правінцыі Гаутенг заявіў, што справу пра напад адкрылі па заяве пацярпелага.
Прычына магчымага нападу незразумелая.
Міністр інфармацыі Зімбабвэ Крыстафер Мушво сказаў Бі-бі-сі, што яму нічога не вядома пра абвінавачванні.
Напад адбыўся, калі спадарыня Мугабэ знаходзілася ў ПАР на лячэнні галёнкаступнёвага сустава, які пашкодзіла ў мінулым месяцы ў ДТЗ, сцвярджаюць СМІ Зімбабвэ.
Паколькі гэта была прыватная паездка ў ПАР, то спадарыня Мугабэ не падпадае пад абарону дыпламатычнага недатыкальнага рэжыму.
Грэйс Мугабэ яшчэ не пракаментавала сітуацыю.
Яе муж, 93-гадовы Роберт Мугабэ, кіруе Зімбабвэ 37 гадоў, абмяжоўвае палітычныя свабоды і давёў краіну да галечы.
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантовай вобласці Расіі. У аўтобус папаў беспілотнік15
Каментары