У Данецку здзейснены замах на міністра даходаў і збораў т. зв. «НР Аляксандра Цімафеева, паведамляе «Дождь».
«Было два выбухі, здзейснены замах на міністра даходаў і збораў ДНР Цімафеева. Ён у крытычным стане», — распавяла РІАН крыніца ў сілавых структурах.
На афіцыйным сайце ДНР гэтая інфармацыя пацвярджаецца. Раней «Інтэрфакс» паведаміў, што ў цэнтры Данецка ў раёне праспекта Міра адбыліся два выбухі. Паводле папярэдніх даных, у выніку выбухаў пацярпелі 8 чалавек. На месцы працуюць супрацоўнікі праваахоўных органаў.
У прэс-службе міністэрства даходаў і збораў распавялі ДАН, што выбухнула машына міністра. Невядома, дзе была закладзеная выбухная прылада. «З міністрам толькі што размаўляла, ён жывы, здаровы», — распавяла прадстаўніца прэс-службы ведамства.
Аляксандр Цімафееў мае пазыўны «Ташкент», бо ён вучыўся ў Ташкенцкім вышэйшым агульнавайсковым камандным вучылішчы. З 1996 года жыве ў Данецку. З моманту пачатку вайны на ўсходзе Украіны ён прымаў удзел у баях на баку сепаратыстаў, у прыватнасці, у Данецкім аэрапорце.
У лістападзе 2014 года Цімафеева абралі дэпутатам Народнага Савета ДНР ад фракцыі Данецкая Рэспубліка. Тады ж ён стаў міністрам даходаў і збораў «ДНР».
Што цяпер з італьянскімі візамі? Масавыя адмовы? Турфірмы называюць альтэрнатыву4
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары