Беларусь пацвярджае сваю пазіцыю прыхільнасці рашэнням ААН па прынцыпе палесціна-ізраільскага ўрэгулявання, уключаючы статусы Іерусаліма. І пакуль пасольства Беларусі ў Ізраілі па словах прадстаўніка МЗС працягне працу ў Тэль-Авіве. Пра гэта падчас брыфінгу заявіў прадстаўнік МЗС Дзмітрый Мірончык, піша Tut.by.
— Мы зыходзім з таго, што гэтае пытанне павінна вырашацца ў фармаце прамых перамоваў уцягнутых бакоў на наяўнай міжнароднай прававой аснове ў поўнай адпаведнасці з дзеючымі рэзалюцыямі Рады бяспекі ААН і раней заключанымі дамовамі, — заявіў Мірончык.
Пасольства Беларусі ў Ізраілі па словах прадстаўніка МЗС працягне працу ў Тэль-Авіве.
— Пытанне пераводу беларускага пасольства можа разглядацца ва ўвязцы з паспяховым завяршэннем мірнага працэсу і знаходжаннем узаемапрымальнага рашэння наконт канчатковага статусу Іерусаліма, — сказаў Мірончык.
Учора Дональд Трамп заявіў, што прыйшоў час прызнаць Іерусалім сталіцай Ізраіля. Трамп таксама заявіў аб пераносе амерыканскага пасольства ў Ізраілі ў Іерусалім, пры гэтым ён падпісаў фармальнае апавяшчэнне Кангрэсу ЗША пра чарговую адтэрміноўку пераносу дыпмісіі яшчэ на шэсць месяцаў.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім7
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары