Прэзідэнт Гватэмалы паведаміў, што пасольства яго краіны ў Ізраілі будзе перанесена ў Іерусалім. Канкрэтных тэрмінаў ажыццяўлення гэтага кроку Джымі Маралес не назваў.
Прэзідэнт Гватэмалы Джымі Маралес абвясціў, што амбасада гэтай цэнтральнаамерыканскай краіны ў Ізраілі будзе перанесена з Тэль-Авіва ў Іерусалім. Адпаведная заява апублікавана ў ноч на 25 снежня на афіцыйнай старонцы прэзідэнта ў фэйсбуку, паведамляе DW.
Такім чынам, Гватэмала стала першай краінай, якая падтрымала заяву прэзідэнта ЗША Дональда Трампа аб прызнанні Іерусаліма сталіцай Ізраіля.
Маралес зазначыў, што даручыў міністру замежных спраў Сандры Ховель арганізаваць перанос амбасады Гватэмалы ў Іерусалім, аднак не назваў канкрэтных тэрмінаў. Да такога рашэння прэзідэнт прыйшоў пасля размовы з прэм'ер-міністрам Ізраіля Біньямінам Нетаньяху.
Напярэдадні Маралес напісаў у твітары, што Ізраіль з'яўляецца важным супрацоўнікам Гватэмалы, а таму краіна павінна яго падтрымліваць.
Гватэмала была адной з дзевяці краін, якія прагаласавалі супраць прыняцця Генасамблеяй ААН рэзалюцыі, якая заклікае ЗША перагледзець рашэнне аб прызнанні Іерусаліма сталіцай Ізраіля. За прыняцце дакумента прагаласавалі 128 дзяржаў.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары