Ратавальнікі Эльбрускага высакагорнага пошукава-выратавальнага атрада МНС Расіі знайшлі двух зніклых альпіністаў з Беларусі, паведамляе TUT.BY са спасылкай на сем'і хлопцаў.
— Расійскія выратавальнікі толькі што звязаліся з намі. Знайшлі! Усё добра. Спускаюцца сваім ходам, значыць і жывыя і здаровыя! — чуецца ў слухаўцы захоплены голас Сяргея Мартынюка. Мужчына нічога не ведаў пра сына больш за тыдзень.
Інфармацыю пацвердзілі ў пошукавым атрадзе: альпіністаў знайшлі пад перавалам Ірык, гэта ўнізе ўсходняга схілу Эльбруса.
— Хлопцы самастойна ў суправаджэнні ратавальнікаў ужо спускаюцца ўніз. Здольныя самі перасоўвацца, усё нармальна. Хутчэй за ўсё, сувязі там не было, таму яны «маўчалі». Выйшлі на перавал, відаць, хацелі выйсці на сувязь — заплечнікі пакінулі ўнізе. Спачатку ратавальнікі менавіта заплечнікі і знайшлі, а потым саміх хлопцаў.
Пошукавая аперацыя працягвалася два дні. Учора на пошукі адправіліся восем чалавек, сёння працавалі 13. Мяркуюць, што беларусы вернуцца на базу прыкладна да гадзіны ночы ці крыху пазней.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»15
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары