У фэйсбуку многія беларусы радасна перапошчваюць допіс: маўляў, сацыяльная сетка ўвяла аўтаматычную замену слова «Белоруссия» на «Беларусь». Гэтую інфармацыю распаўсюдзілі дробныя расійскамоўныя сайты, яна стала вірусна разыходзіцца па свеце.
«Мы прыйшлі да неабходнасці такой аўтазамены ў сувязі з тым, што ёсць толькі адно карэктнае найменне гэтай краіны. Людзі, якія пішуць «Беларусь», прычыняюць маральныя пакуты Facebook-супольнасці. Свайго роду гэта кіберхуліганства і мы не маем намеру з гэтым мірыцца», — гэта нібыта цытата «намесніка дырэктара расійскага напрамку Facebook Барыса Міранюка». — Як правіла, мы выкарыстоўваем замены тых ці іншых слоў ці фраз толькі ў выпадку, калі гэта сапраўды важна супольнасці. Мы вывучылі гэты выпадак і прыйшлі да высновы, што тут гэта неабходна. Да таго ж практыка блакаванняў за гэтае слова не прывяла да чаканых вынікаў. Людзі рэгістравалі новыя акаўнты або пераставалі карыстацца сацсеткай. Да гэтага мы нядаўна звярталіся да аўтазамен падчас пратэстаў у Іране, калі аўтаматычна выдалялі некаторыя лозунгі прапагандыстаў, якія падтрымліваюць рэжым. У гэтым выпадку гаворка не пра палітычны крок, а пра павагу да беларускага народа».
Насамрэч намеснік дырэктара расійскага напрамку Facebook Барыс Міранюк — неіснуючы персанаж. Сацыяльная сетка не мае механізму аўтазамены ў апублікаваных допісах. Натуральна, нікога за слова «Белоруссія» не блакавалі.
Вірусны допіс ананімнага аўтара можна лічыць спробай прыцягнуць увагу да карэктнага наймення Беларусі.
Каментары